小朋友成長快，但身體系統未完全成熟，特別係脾胃。
中醫講「脾為氣血生化之源」，意思係：食物能唔能夠變成營養、
身體有冇力氣、皮膚靚唔靚、免疫力強唔強，全靠脾胃運作得順唔順。
好多家長都見過：
- 明明食得唔多，但成日肚谷谷；
- 睡得唔安穩、易出汗；
- 胃口差、易病、濕疹反覆。
呢啲問題好多時都係由「脾胃虛弱」開始。
小兒推拿透過經絡刺激，幫助脾胃氣血運化，
令消化力好返、吸收得更順，
自然「食得好、瞓得好、長得好」。
日常保健建議
- 時間： 飯後 30 分鐘進行
- 方法： 用沿小朋友拇指由指尖向指根推（補脾經）約100次，再配合揉中脘、順時針摩腹各1-2分鐘。
- 節奏： 每日 5-10 分鐘，持之以恆。
呢啲簡單動作，唔止幫腸胃運化，
仲能夠提升氣血循環、改善睡眠同免疫力，
令小朋友精神飽滿、胃口自然開。
備註
小兒推拿屬溫和外治法，適合日常家庭保健，操作時應注意力道輕柔、手法準確。
如孩子出現高熱、嚴重腹痛、皮膚傳染病或其他急性症狀，應先就醫。